recent
أخبار ساخنة

الامتحان الخارجي | الامتحان التمهيدي 2021






الامتحان الخارجي | الامتحان التمهيدي 2021

ما هو الامتحان الخارجــــــــــي (التمهيدي):

هو امتحان يجرى للطلبة الراغبين بإكمال دراستهم  بعد رسوبهم سنتان في الدراسة الصباحية وسنة او سنتان في الدراسة المسائية او ممن تركوا دراستهم لأي سبب اخر.

العمر : يجب ان يكون عمر المتقدم 18 سنة او اكبر.

المناهج الدراسية المطلوبة في الامتحان التمهيدي :

1)      الراغبين في الحصول على شهادة الابتدائية عليهم دراسة منهج الصف السادس الابتدائي و الامتحان به حسب الجدول الوزاري المقرر (من الغلاف للغلاف حسب احدث نسخة).

2)      الراغبين في الحصول على شهادة المتوسطة عليهم دراسة منهج الصف الثالث المتوسط و الامتحان به حسب الجدول الوزاري المقرر (من الغلاف للغلاف حسب احدث نسخة)..

3)      الراغبين في الحصول على شهادة الاعدادية عليهم دراسة منهج الصف السادس الاعدادي حسب الفرع الذي يرغب به الطالب  و الامتحان به حسب الجدول الوزاري المقرر (من الغلاف للغلاف حسب احدث نسخة)..

بالمختصر / تكعد وتدرس بالبيت بدون ما تداوم بالمدرسة ..فقط تروح تمتحن امتحان تمهيدي حسب جدول تقرره الوزارة ومن تنجح بالتمهيدي  تدخل وزاري وتمتحن مع  طلاب الصباحي بنفس اسئلتهم.

شروط التقديم للامتحان الخارجي :

1)      تنجح من الابتدائية و بعد مرور 3 سنوات تقدم على امتحان المتوسطة  .

2)      تنجح من المتوسطة وبعد مرور 3 سنوات تقدم على امتحان الاعدادية .

3)      سنتين للناجحين من الاول متوسط والرابع اعدادي وسنة للناجحين من الثاني متوسط والخامس اعدادي .

🚫 انتباه / المتقدم للامتحان الخارجي  لازم ما مسجل مسائي هالسنه لان ميحقلة و يعني الشغلة مو بالمزاج هههههههه.

كيفية التقديم :

·         تريد تقدم للدراسة الابتدائية تروح لأخر مدرسة كنت فيها يزودوك باستمارة.

·         تريد تقدم للدراسة المتوسطة  لازم عندك وثيقة سادس ابتدائي.

·         تريد تقدم للدراسة الاعدادية لازم عندك وثيقة ثالث متوسط.

المستمسكات:

تاخذ 10 صور حجم 3.5 × 4.5 مثل صور الجواز خلفية بيضاء . والمستمسكات  الاربعة مستنسخات وتأييد من المختار  وتروح للتربية بمحافظتك و تأخذ فايل وبيه استمارة تقديم ع خارجي (عريضة) بألفين دينار وتدخل تسلم الفايل وبعدها تسلم  الوثيقة و واقع الحال الى مديرية التربية مع دفع مبلغ (50) الف دينار.بعد تسليم المبلغ يستلم الطالب وصل من التربية يقوم بأستنساخه و تسليم نسخه منه الى المديرية و الاحتفاظ بالنسخة الاصليه.

🚫 انتباه / راجع مديرية التربية قبل الامتحان باسبوع او اسبوعين حتى تستلم البطاقة الامتحانية وتعرف مركزك الامتحاني.

اخيرا اذا قلصت الوزارة المناهج اعتمد على التقليص و لا تقرأ المحذوفات .اتمنالكم التوفيق .

author-img
علي المساري

تعليقات

تعليقان (2)
إرسال تعليق
  • Unknown photo
    Unknown01 أبريل, 2021 22:59

    شكرا الكم اكو مرشحات للمتحان تكدرون تنزلهم هناد

    حذف التعليق
    • Unknown photo
      Unknown02 أبريل, 2021 09:55

      انت مبدع استاذنا الورد بفضلك وبفضل الله أن شاء الله سهله الاسئله تجي 👁️‍🗨️🥰

      حذف التعليق
      google-playkhamsatmostaqltradent